تلاته اصحاب رجاله
بنحبك يــــــآبلـدى يــــــــآ أم الدنيــــــــآ Ezlb9t10


تلاته اصحاب رجاله
بنحبك يــــــآبلـدى يــــــــآ أم الدنيــــــــآ Ezlb9t10


تلاته اصحاب رجاله
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تلاته اصحاب رجاله

منتدي متنوع
 
الرئيسيةتلاته اصحابأحدث الصورالتسجيلدخول

 

 بنحبك يــــــآبلـدى يــــــــآ أم الدنيــــــــآ

اذهب الى الأسفل 
كاتب الموضوعرسالة
Mr.Rewish.Emoo
ايمو
ايمو
Mr.Rewish.Emoo


علم الدولة : مصر
الجدي عدد المساهمات : 318
نقاط : 5654
تاريخ التسجيل : 24/05/2010
العمر : 33

بنحبك يــــــآبلـدى يــــــــآ أم الدنيــــــــآ Empty
مُساهمةموضوع: بنحبك يــــــآبلـدى يــــــــآ أم الدنيــــــــآ   بنحبك يــــــآبلـدى يــــــــآ أم الدنيــــــــآ I_icon_minitimeالأحد يونيو 27, 2010 1:23 am

يا مصر رغم البهدله...والعكننه...
عاشقك أنا...
واعشق ترابك والنبى ..
عشقك مرادى ومطلبى ...
لما بكون ...فى عز ضيقى ...
واشعر بإنى حتخنق ...
والقانى موش شايف طريقى ....
والدم منى بيتحرق...
اطلع على روض الفرج...
ألقى الفرج...
لماامشى حبه جنب نيلك...
احكى له همى ....
واشتكى ...
وعينى تشوف ...بياع دره...
رجل عجوز... واقف بهوى فحمته ...
بسمته ... لحظه ما فارقت سحنته...
يا عجوز ... إدينى كوز ...
القاه بيضحك...
مزعلش منى واداها بوز...
من فين يا جدى ...
سوهاج يا وِلْدْ ....
من ييجى ستين سنه...
جينا هنا...
ويا ابويا الله يرحمه...
عمك رجب...كان فى المعمار...
واما تَعَب... والزمن جار...
مالقيش غير الشط...
ساب كل الدنيا...
إهنانا وحط...
فى الأول جاب ...كوزين دره....
كلناهم هو وانا...
يا وِلْدْ ما تقول بالهنا...
بعديها صارت شغلته ...
بياع دره....
والعبد لله ورث ...
من والده حبه لشغلته...

شوى الدره...

طيب يا جِدْ...

امتى تعاود...

مانيش معاود...

الكوز بربع ..

خلليك مهاود...

يضحك فى وشى ...

الكوز بنص..

دا كان زمان الكوز بقرش...

دلوقت يابنى معادش قرش....

والقرش كان....

كالحوت وقرش...

القرش كنه عشرين جنيه...

بالذمه قل لى...

لحلوح جنابك...

ع يجيب لك ايه...

ان كنت فاضى...

اقعد قصادى...

احكى لجنابك..

تسعين حكايه...

والسهره تحلى ...

جنبك يا نيل...

ويا الحكاوى..

وسط الغناوى...

والشاى صعيدى...

سيدى يا سيدى...

ع الفحم يابا..

ويا الغلابه...

جنبك يا نيل...

بنت بضفيره...

الوش باسم...

الجسم ناحل..

الاسم هانم...

السن عشره...

لكن كبيره...

بتبيعى ايه...

ردت بخفه...

طب مانت شايف...

فى ايدى ايه...

ياللا يا سيدى...

سفتحنى سفتح...

الهى تربح...

يارب تنجح...

أنجح فى ايه...

فى اى حاجه ...

فى كل حاجه...

ربى مايحكم عليك بحاجه...

لا تجوع فى ليله...

او تيجى ليله...

ابنك يا سيدى...

يصبح عليل....

ياللا اشترى...

كيس المناديل ...

الله عليكم يا طيبين ....

فى الفقر حتى مبسوطين...

بس احكى ايه...

ولا اكتب ايه...

سفروت معدى...

قدامى هَدّى...

بالبسمه حلوه..

تمسح يا بيه...




يا مصر رغم البهدله...

والعكننه ...

عاشقك أنا..

لو مره تمشى ...

فى الدرب الاحمر...

يا مصر دايما...

كان دربك احمر...

حتى علمنا...

فيه تلت احمر...

واحلف بربى ...

ماشفت أحمر...

من شخص جاحد...

او شخص حاقد...

ييجى يقوللى ..

ايه يعنى مصر...

أدخل فى مره المغربلين...

أو خش زور سيدنا الحسين...

اتوضى واركع ...

ركعتين...

انظر وشوف من غير كلام...

وسط الالوف تحيا بسلام...

سيدنا الحسين...

يابن الامام...

يا مصر فيكى ...

ام الغلام...

والطاهره زينب...

ست ام هاشم...

يام العواجز...

كل اللى جالك...

بالحب ناجز...

يا مصر حبك...

امن وسكينه...

ستى نفيسه...

ستى سكينه...

جنب الامام...

ليثى وشافعى ...

يارب منك...

ضرى ونفعى...

سيد يا بدوى...

قائد وفارس...

عباس يا مرسى...

للشط حارس...

يخطفنى شوقى...

عمرى ما أنسى ...

سيدى الدسوقى...

يا قلبى غاوى...

تسمع حكاوى...

سيدى القناوى...

يا مصر دايما...

فى العالى شانك..

ياللى التاريخ عمره ماشانك...

والله ابيع عمرى عشانك...

واتمنى اشوفك فى الهنا...

يا مصر رغم البهدله...

والعكننه...

هذة منقولة ولست أنا اللى كتبتها بس هى عجبتنى بجد ببساطتها وكلامها... وشكرا

عاشقك أنا.

¯`'•.¸(¯`'•.¸, _________________ , .•'´¯) .•'´¯)
(¯`'•.¸(¯`'•.¸««««««««««««»»»»»»»»»»»¸.•'´¯).•'´¯)
--==>>>---> مشكوررررر ويسلمووووووووو <---<<<==--
(_¸.•'´(_¸.•'´««««««««««««»»»»»»»»»»»`'•¸_)'•.¸_)
(_¸.•'´(_¸.•'´¯¯¯¯¯¯¯¯¯¯¯¯¯¯¯¯¯¯¯¯ `'•.¸_)`'•.¸_) بنحبك يــــــآبلـدى يــــــــآ أم الدنيــــــــآ 863809
الرجوع الى أعلى الصفحة اذهب الى الأسفل
https://3as7ab.rigala.net/
 
بنحبك يــــــآبلـدى يــــــــآ أم الدنيــــــــآ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تلاته اصحاب رجاله :: منتديات الدول العربيه :: منتدي مصر-
انتقل الى: